_ بالسهولة دي؟ طب وهي كان أيه موقفها وليه محاولتش تتمسك بحبها وتدافع عنه؟ _ حاولت طبعا بس الضغوط عليها كانت كتير، وأنا كمان سلمت بالأمر الواقع وبعدت لأن ده في الأول والآخر نصيب، وكمان كرامتي ماتسمحليش أفرض نفسي على حد.

_ وقررت تبعد وتسافر وتعمل فلوس عشان تثبتلهم إنك كمان مستواك مش قليل؟ يعني التجربة دي هي السبب والحافز للسفر؟ متزعلش من صراحتي بس أنا عاوزة أتطمن لو حصل نصيب يعني، إن التجربة دي ملهاش أي تأثير سلبي على علاقتنا.

_ لأ مش زعلان ولا حاجة، بس صدقيني حتى لو كان اللي حصل ده سبب من الأسباب لكن مااخبيش عليكي أنا من الأول كان عندي طموح السفر خصوصا الشغل هنا صعب إنه يفتح بيت بمستوى معقول. _طيب ممكن سؤال أخير؟ _ آه طبعا اتفضلي.

الأكثر قراءة الان

في كنف الشيخ الجزء الأولمنذ أسبوعينأمي بقلم ملك إبراهيممنذ 3 أسابيععاصفة الحب، سهام صادقمنذ شهر

_ إزاي قدرت تتخطى تجربة عاطفية استمرت أكتر من تلت سنين بسهولة كدة وكمان تفكر في ارتباط جديد؟ _ بردوا مش هخبي عليكي… أنا مازلت بعاني وبحاول أنسى التجربة دي بحلوها وبمرها واتأقلم وأعيش حياتي صح، والنسيان ده مسألة وقت، مش هانتظر أنا بقا والدنيا تقف، أنا ليا أهل أنا عندهم كل حاجة ويتمنوا يشوفوني موفق وسعيد في حياتي، وحقهم عليا إني أفرحهم وأطمن قلبهم، وانا كمان من حقي أشق طريقي ومعايا شريكة حياتي.

هاه، في حاجة تانية حابة تعرفيها عشان تتطمني؟ إبتسمت ومعرفتش أرد عليه. لقيته هو كمان ابتسم وقاللي، _ عموما خدي وقتك وفكري براحتك وردي عليا، أنا بصراحة إرتحتلك اول ماشفتك واتمني تكوني شريكة حياتي.